तीन दलको बैठक सकियो, कांग्रेसबाहेक तीन दलको छलफल सुरु
प्रधानमन्त्रीको उमेदवारी दर्ता गर्ने दिन भएको नेपाली कांग्रेस, एमाले र मधेसी जनअधिकार फोरमबीचको बैठक सकिएको छ ।
सिंहदरवारस्थित संसदीय दलको कार्यलयमा भएको नेपाली कांग्रेस, एमाले र मधेसी जनअधिकार फोरमबीचको छलफल सकिएको छ भने प्रमुख चार दलको बैठकको समय अझै निश्चित भएको छैन । साउन ३० गते भएको तीन दलको बैठक सकिएपछि त्यहाँ उपस्थित संचारकर्मीहरुसँग कुरा गर्दै नेपाली कांग्रेसका उपसभापति रामचन्द्र पौडेलले तीन दलबीच सहमति हुने या नहुनेबारे अहिले तीन बजे निश्चित हुने बताए । ‘एमाले, फोरम र हाम्रो प्रधानमन्त्रीमा एउटै उमेदवार हुन्छ कि फरक हुन्छ भन्ने अहिले तीन बजे टुङ्गो लाग्छ’ पौडेलले भने ।
सरकार निर्माणका लागि सिंहदरवारस्थित एमाले संसदीय दलको कार्यलयमा कांग्रेसबाहेका प्रमुख तीन दलबीच छलफल सुरु भएको छ ।
कांग्रेसबाहेक तीन दलको छलफल सुरु
सरकार निर्माणका लागि माओवादी, एमाले र मधेसी जनअधिकार फोरमबीच छलफल सुरु भएको छ । साउन ३० गते सिंहदरवारस्थित एमाले संसदीय दलको कार्यलयमा सुरु भएको छलफलमा तीन दलका शीर्ष नेताहरु सहभागि छन् ।
प्रधानमन्त्रीको उमेदवारी दर्ता गर्ने समय आज बिहान १० बजेदेखि बेलुका ५ बजेसम्म तोकिएको छ तथा अहिलेसम्म कसैले उमेदवारी दर्ता गरेका छैनन् । सहमतिको सरकार निर्माणको अन्तिम प्रयासका निम्ति प्रमुख चार दलको बैठक हुने भनिए पनि बैठकको समय भने अझै निश्चित भएको छैन ।
हिमालखबर डट कम
गृह पृष्ठ
