राष्ट्रपतिबारे भएको सहमति तोडेकोमा माओवादीसँग आक्रोशित एमालेसँग सरकार निर्माणमा फेरी सहकार्य हुनसक्ने आशा माओवादी अध्यक्ष पुष्पकमल दाहाल प्रचण्डले गरेका छन् ।
माओवादी अध्यक्ष पुष्पकमल दाहाल प्रचण्डले सरकार निर्माणमा एमालेसँग सहकार्यको सम्भावना अझै कायम रहेको बताएका छन् । साउन ५ गते सिंहदरवारस्थित पार्टीको संसदीय दल कार्यलय बाहिर संचारकर्मीहरुसँग कुरा गर्दै प्रचण्डले एकताकेन्द्र मसालका महामन्त्री नारायणकाजि श्रेष्ठलाई एमाले महासचिव झलनाथ खनालसँग कुरा गर्न आजै आफूले पठाएको तथा उनीबाट सकारात्मक जवाफ पाएको दावी गरे । ‘राष्ट्रपति र सभाध्यक्षको चुनावपछि सरकार निर्माणबारे सहकार्य गर्न सकिन्छ भनेर खनालले प्रकाशलाई भन्नुभएको छ’ प्रचण्डले भने । (more…)

एमाले केन्द्रीय कमिटीको अनौपचारिक बैठकले माओवादी नेतृत्वमा बन्ने सरकारमा सामेल हुने सम्भावना समाप्त भएको निश्कर्ष निकालेको छ । साउन २ गते माओवादी केन्द्रीय समितिको अनौपचारिक बैठकले रामराजाप्रसाद सिंहलाई राष्ट्रपति तथा शान्ता श्रेष्ठलाई उपराष्ट्रपति बनाउने निर्णय गरेपछि बसेको एमाले बैठकले माओवा निर्णयले उसँगको सहकार्य समाप्त भएको निश्कर्ष निकालेको एमाले केन्द्रीय सदस्य प्रदीप ज्ञवालीले बताए । नेपाली कांग्रेसले यसअघि नै माओवादीको नेतृत्वमा बन्ने सरकारमा सहभागि नहुने निर्णय गरिसकेको छ । (more…)

मुलुकको राष्ट्रपतिका लागि साउन ४ गते चुनाव हुने भएको छ । असार ३१ गते बसेको संविधानसभामा प्रतिनिधित्व गर्ने २५ दल सम्मिलित कार्यब्यवस्था परामर्श समितिको बैठकले साउन ४ गते बिहान ११ बजे राष्ट्रपति तथा उपराष्ट्रपतिको चुनाव गर्ने निर्णय गरेको हो । राष्ट्रपति तथा उपराष्ट्रपतिको चुनाव सम्बन्धि सबै कार्यक्रमहरु परामर्श समितिको बैठकले तयार पारिसकेको तथा आज दिउँसो ३ बजे हुने बिधायिका संसदको बैठकमा प्रस्तुत गरेर पारित गरिने एमाले संसदीय दलका प्रमुख सचेतक रामचन्द्र झाले जानकारी दिए । राष्ट्रपतिको चुनावमा संविधानसभाका ६०१ सदस्यले मत दिन पाउनेछन् (more…)

अर्थमन्त्री डा. रामशरण महतले ७३ अर्व, ५३ करोड, ६५ लाख ८० हजार रुपैयाँको पेश्की बजेट प्रस्तुत गरेका छन् । असार ३० गतेको बिधायिका संसदको बैठकमा उनले संचितकोषमा ब्ययभार शिर्षकमा २६ अर्व, ५९ करोड, ६५ लाख ९४ हजार रुपैयाँको तथा सेवा तथा कार्यभार शिर्षकमा ४६ अर्व, ९३ करोड, ३९ लाख ८३ हजार रुपैयाँको पेश्की बजेट पेश गरेका हुन् । यो पेश्की बजेट बिनियोजन बिधेयक २०६५ लागू नभइन्जेलसम्मका लागि ल्याइएको हो । नयाँ सरकार गठनपछि सरकारले पूर्ण बजेट ल्याउनेछ । अहिले संसदमा पेश्की बजेटबारे छलफल भइरहेको छ।

हिमालखबर.कम

संबिधानसभामा सवैभन्दा ठुलो दलको रुपमा स्थापित माओवादीले आफैले प्रस्ताव गरेको ब्यक्ति नै राष्ट्रपति हुने अडान सहित सहकर्मी दलहरुलाई सहमति र सहकार्यको प्रस्ताव गरेको छ।। सरकारको नेतृत्व गर्ने दलले प्रस्ताव गरेको ब्यक्ति नै राष्ट्रपति हुने बिश्वब्यापी मान्यतालाई स्वीकार गर्नुपर्ने अडानसहित माओवादीले राष्ट्रपति र संबिधानसभा अध्यक्षलाई शक्ति बाँडफाँमा राख्न नहुने तर्क अघि सारेको छ। (more…)

संविधानसभाको चुनाव सम्पन्न भएको तीन महिना बित्नलाग्दासमेत संविधानसभा अध्यक्ष चयन हुननसकेको बेला माओवादीका एक वरिष्ठ नेताले नयाँ संविधान तोकिएको समय दुई वर्षमै बन्ने दावी गरेका छन् ।
माओवादीका सचिवालय सदस्य सिपी गजुरेलले जतिसुकै समस्या आए पनि नयाँ संविधान तोकिएको समय दुई वर्षमै बन्ने दावी गरेका छन् । असार २७ गते राजधानीमा आयोजित ‘नयाँ संविधान कस्तो बनाउने’ बिषयक अन्तरसंवाद कार्यक्रममा बोल्दै गजुरेलले आफ्नो तथा अन्य प्रमुख दलहरुले पर्याप्त आन्तरिक छलफल गरेर निश्कर्ष मात्र संविधानसभामा लाने भएकाले समयमै संविधान निर्माण गर्न सम्भव हुने उल्लेख गरे । ‘६०१ जना सबैले त्यहाँ बोल्ने होइनन्, आयोगहरुले सबै तयारी गरिसक्छन्, संविधानसभामा प्रस्तुत हुने मात्र हो’ गजुरेलले भने । कार्यक्रममा गजुरेलले एक मधेस प्रदेश बनाए त्यसले अन्तमा मुलुकको बिखण्डन नै निम्त्याउने पनि बताए । (more…)