बन्दै बन्द
चार दिने उपत्यका बन्द सकिएको भोलिपल्टै उपत्यकाबासीले पुन अर्को उपत्यका बन्द खेप्नुपरेको छ ।
यातायात ब्यवसायीहरुको चार दिने बन्द टुङ्गिएको भोलिपल्टै असार १२ गते काठमाडौ उपत्यकाबासीले अर्को उपत्यका बन्दको मार खेप्नुपरेको छ । व्यापक मूल्यवृद्धिपछि पनि पेट्रोलियम पदार्थको अभाव व्यहोरिरहेका उपत्यकाबासीले पेट्रोलियम पदार्थको मूल्यवृद्धि फिर्ता गराउने नाममै यो बन्द झेल्न बाध्य बनेका छन् । बन्दकर्ताहरुले पेट्रोलियम पदार्थको मूल्यवृद्धि फिर्ता गराउनेलगायत १० बुँदे माग सारेका छन् ।
बन्दकर्ता राजनीतिक दलहरुको उपत्यका तथा मुलुकमै खासै प्रभाव नभए पनि बिहानैदेखि उपत्यकामा सवारी साधन चलेका छैनन् भने शहरका प्रमुख चोकका पसलहरु बन्द छन् । कार्यलय तथा अन्य काममा जानेहरु पैदल यात्रा गर्न बाध्य बनेका छन् । विद्यालय, कलेजहरु बन्द छन् । यद्यपि, बन्दकर्ताहरुको सडकमा उपस्थिति कमै मात्र देखिएको छ ।
बन्दकर्तामा नेपाल कम्युनिष्ट पार्टी एकीकृत, नेपाल कम्युनिष्ट पार्टी संयुक्त मार्क्सवादी, तामसालिङ नेपाल राष्ट्रिय दल, नेपाल सुकुम्बासी पार्टी लोकतान्त्रिक छन् ।
हिमालखबर डट कम
गृह पृष्ठ
