Laliguras, a nepali blog :: नेपाली भाषाकोब्लग:: : : June : : 2008

जनताको मन जित्ने संविधान बन्नु पर्छ-राष्ट्रपति !

June 2, 2008

पन्ध्र दिनमै दरवार छाड्ने वचन

पूर्व राजा ज्ञानेन्द्र शाहले १५ दिनभित्रै नारायणहिटी राजदरवार छाड्ने भएका छन् । गृहमन्त्री कृष्णप्रसाद सिटौलासँग जेठ २० गतेको भेटमा पूर्व राजा ज्ञानेन्द्रले निवास र सुरक्षा बन्दोबस्तको ग्यारेण्टी भएलगत्तै दरवार छाड्न तयार रहेको बचन दिएका हुन् । नारायणहिटी राजदरवारमा पूर्व राजासँग भेटेलगत्तै गृहमन्त्री सिटौलाले दरवार बाहिर उपस्थित संचारकर्मीलाई पूर्व राजा १५ दिनभित्रै दरवार छाड्न तयार रहेको जानकारी दिए । पूर्व राजासँगको भेटमा आफूले निवास र सुरक्षा बन्दोबस्तको ग्यारेण्टी सरकारले दिने वचन दिएको सिटौलाले उल्लेख गरे । (more…)

Comments (0)

गणतन्त्र घोषणापछिका चुनौतीहरू

Filed under: गणेश बस्नेत लेख्छन

जेठ १५ गते बसेको संविधानसभाको पहिलो बैठकले २ सय ४० वर्षदेखि मुलुकमा शासन गर्दै आएको सामन्ती निरंकुश राजतन्त्रको अन्त गर्दै संघीय लोकतान्त्रिक गणतन्त्र घोषणा गरेको छ। संविधानसभाको यस ऐतिहासिक निर्णयसँगै मुलुकका लागि अभिशाप बनेको सामन्ती राजतन्त्रको दलदलबाट नेपाली जनताले सदाका लागि छुटकारा पाएका छन्। संघीय लोकतान्त्रिक गणतन्त्रको घोषणासँगै मुलुक नयाँ युगमा प्रवेश गरेको छ। मुलुकमा शान्ति, विकास र अग्रगमनको ढोका पनि खुलेको छ। राजतन्त्र अन्त्यका लागि रगत बगाउने र जीवन बलिदान गर्ने सम्पूर्ण सहिदहरूको सपना पूरा भएको छ।
गणतन्त्र कार्यान्वयनका लागि ऐतिहासिक संविधानसभाले संवैधानिक राष्ट्रपतिको व्यवस्थासहित अन्तरिम संविधान संशोधन समेत गरेको छ। कार्यकारी अधिकार प्रधानमन्त्रीमा निहित गर्दै राष्ट्रपतिले त्यसलाई औपचारिक दिने गरी शक्ति सन्तुलन र संयोजनको लागि भएको यस व्यवस्थाले शासनसत्तामा रहनेहरू जनताप्रति उत्तरदायी हुनेछन् भन्ने विश्वास गर्न सकिन्छ। जेठ १५ को गणतन्त्र घोषणा राजतन्त्रले नेपाली जनतामाथि गरेको शोषण, अन्याय, अत्याचार र दमनको उपज हो। जनतालाई सदैव दास देख्ने प्रवृत्तिको फल हो। तत्कालीन राजा वीरेन्द्रको वंश विनाशको आरोप लागेका ज्ञानेन्द्रको महत्वाकांक्षा पनि एउटा प्रमुख कारण हो। (more…)

Comments (0)