राजा ज्ञानेन्द्रले कुनै हालतमा नेपाल छाडेर नजाने कुरा आफूसँग भनेको राप्रपा नेपालका अध्यक्ष कमल थापाले बताएका छन् । बैशाख ३० गते रिपोर्टस क्लवमा उपस्थित संचारकर्मीसँग कुरा गर्दै उनले संविधानसभा चुनावबाट राजतन्त्र बिरोधी दलहरुले अत्याधिक स्थान जिते पनि राजामा बिचित्र आत्माबिस्वास देखिएको र त्यसले आफूलाई आश्चर्यमा पारेको उल्लेख गरे । अन्तरिम संविधानमा संविधानसभाको पहिलो बैठकबाट राजतन्त्रबारे निर्णय गरिने उल्लेख छ तथा संविधानसभा चुनावमा राजतन्त्र बिरोधी राजनीतिक दलहरुले अत्याधिक स्थानमा जितेका छन् । (more…)

२९-वैशाख-२०६५,आइतवार

जनतामा सही सूचना पुर्यााउने अभिभारा बोकेको नेपाली प्रेस यतिबेला सबै क्षेत्रबाट उपेक्षित बनेको छ। राजतन्त्र फाल्ने उद्घोषसहित जनयुद्धमा होमिएको माओवादीबाट एकाउन्न प्रतिशत लडाइँ लडेको उपमा पाएको र राजा ज्ञानेन्द्रको तानाशाही कदमविरुद्ध सबैभन्दा अग्रपंक्तिमा उभिएर आन्दोलनको नेतृत्व गरेको नेपाली प्रेस अहिले ती सबै शक्तिहरू सत्तामा रहादा भने उपेक्षाको शिकार बनिरहेको छ। सत्ताबाहिर रहादा सदैव प्रशंसा गरेर नथाक्ने दलहरूले सत्तामा पुगेपछि नेपाली प्रेसले विगतमा खेलेको ऐतिहासिक भूमिकालाई चटक्कै बिर्सिएका छन्। सबैको अधिकारको लागि आवाज उठाइदिने नेपाली प्रेस आफै अहिले सबैतिरबाट उपेक्षा नै उपेक्षाको दलदलमा फस्न बाध्य भएको छ। (more…)

माओवादीइतर शक्तिसँग सहकार्य

काठमाडौं।
सातदलबीच जेठ १५ गतेभित्र संविधानसभाको पहिलो बैठक बोलाउने सहमति भएको भोलिपल्टै नेपाली कांग्रेस सहमतिविरुद्ध उभिएको छ। हिजो बसेको नेपाली कांग्रेसको केन्द्रीय समितिको बैठकले माओवादीइतरका शक्तिहरूसँग सहकार्य गर्ने निष्कर्ष निकाल्दै प्रधानमन्त्री पदबाट राजीनामा नगर्ने निर्णय गरेको छ। चरम सत्तालिप्सा देखाउँदै गरिएको यो निर्णयबाट गणतन्त्र कार्यान्वयन गर्दै अगाडि बढ्न सहमतिका लागि सुरु भएको प्रयास निरर्थक मात्रै होइन, गम्भीर राजनीतिक दुर्घटना निम्त्याउने खतरा पनि देखिएको छ। अन्तर्राष्ट्रिय शक्तिको आडमा प्रधानमन्त्री गिरिजाप्रसाद कोइरालाले आफूलाई राष्ट्रपति बनाउन माओवादी सहमत नभएसम्म प्रधानमन्त्री पद नछाड्ने बताएपछि हिजो बसेको कांग्रेस केन्द्रीय समितिको बैठकले माओवादीइतर शक्तिसँग सहकार्यको नीति लिएको हो। (more…)