४जुलाई२००६(एजेन्सीहरु)-नेपालमा युद्धविराम आचारसंहिता पालना नगरेका भनि आरोप खेपिरहेका माओवादी विद्रोहीहरुले उनीहरूका ‘जन-अदालत’हरु अब शहरी क्षेत्रमा सन्चालन नगर्ने निर्णय गरेका सञ्चार माध्यमहरुमा उल्लेख छ । यसै बीच प्राप्त समाचारमा जनाइए अनुसार,सोमबार एउटा प्रेस विज्ञप्ती जारी गरि माओवादी विद्रोही अध्यक्ष प्रचणडले शान्तिवार्ता प्रक्रियालाई सहज तुल्याउन सो कदम चालिएको बताउनुभएको छ। आइतवार मात्रै माओवादी विद्रोहीहरूको जन-अदालतले तान्सेन नगरपालिकाका पूर्व मेयर धतानन्द भट्टराईलाई तीन वर्षको श्रमकैदको सजाय सुनाएको थियो।यसका साथै विद्रोहीहरूका पछिल्ला निर्णयले शहरी क्षेत्रमा यस्ता घटनाहरू रोकिने आशा गरिएपनि ग्रामिण इलाकामा भने तीनले भन्दै आएका जन-अदालतहरू कायमै रहने उल्लेख छ। (more…)

४जुलाई२००६(एजेन्सीहरु)-नेपालमा सरकारले राजा ज्ञानेन्द्रको जन्मदिनमा सार्वजनिक विदा दिने बर्षौंदेखिको परम्परा तोड्ने निर्णय गरेको प्राप्त समाचारहरुमा जनाइएको छ। यसै क्रममा प्राप्त समाचारमा जनाइए अनुसार,सकृय राजतन्त्रको विरोधमा भएको हालैको सफल जनआन्दोलन पछि राजतन्त्रको भविष्यमै गम्भिर प्रश्न उठीरहेका बेला सरकारले उक्त निर्णय गरेको छ। राजा ज्ञानेन्द्रको अधिकार र सुविधामा व्यापक कटौती गर्ने सरकारको श्रृंलखाबद्ध निर्णयहरू अन्तर्गत सोमबारको निर्णय लिइएको हो।यसै बीच राजा ज्ञानेन्द्रको जन्मदिनको पांच दिन अगाडी मन्त्री परिषदको बैठकले सो निर्णय लिएको थियो। सूचना तथा संचार राज्यमन्त्री दिलेन्द्रप्रसाद बडुले उक्त निर्णयको जानकारी दिँदै भन्नुभयो, “अब राजदरवारमा रहेका कर्मचारीहरूलाई मात्रै विदा हुने र अरू ठाउंमा विदा नहुने उल्लेख छ। (more…)

४जुलाई२००६(एजेन्सीहरु)-नेपालमा प्रधानमन्त्री गिरिजाप्रसाद कोइराला सोमबार साँझ अचानक अस्वस्थ हुनु भएपछि उहाँलाई सोमवार राति नै गंगालाल हृदय रोग केन्द्रमा भर्ना गरिएको सञ्चार माध्यमहरुमा जनाइएको छ। यसका साथै प्राप्त समाचारमा जनाइए अनुसार,श्री कोइराला थाइल्याण्डको बैंककमा उपचार गराएर आउनुभएपछि केही स्वस्थ हुनु भएको उल्लेख छ।यसै क्रममा यसअघि प्रतिनिधिसभाको घोषणाअनुसार सपथ खाने कार्यक्रममा समेत उहाँ अस्वास्थताकै कारण उपस्थित हुन सक्नु भएको थियो । त्यसैगरी उहाँ प्रधानमन्त्री नियुक्त भएलगत्तैको राजाबाट सपथ लिने कार्यक्रममा समेत निकै दिनपछि मात्र उपस्थित हुनु भएको थियो । सोमवार बसेको मन्त्रिपरिषद बैठकमा सहभागी प्रधानमन्त्री कोइराला साँझ अचानक अस्वस्थ हुनु भएको हो ।
यसै बीच मंगलबार प्रधानमन्त्री कोइरालाले प्रतिनिधिसभामा नेपाल सरकारको वाषिर्क नीति तथा कार्यक्रम प्रस्तुत गर्ने तय भएको थियो । साथै प्रधानमन्त्री कोइराला र मन्त्रिपरिषदका सदस्यहरुले समेत मंगलबार नै सपथ लिने कार्यक्रम थियो । उहाँको अस्पतालमा उपचार भइरहेको प्राप्त समाचारहरुमा जनाइएको छ।