प्रधानमन्त्री निवास बालुवाटारमा आज बसेको मन्त्रिपरिषदको बैठकले राजदरबार र राजगद्दी उत्तराधिकारीसम्बन्धमा सरकारले महत्वपूर्ण निर्णय गरेको छ। राजगद्दी उत्तराधिकारीमा छोरा अथवा छोरी जे भए पनि जेठो सन्तान रहने व्यवस्था गर्नुपर्ने एबं राजापरिवार खर्च नयाँ व्यवस्था गर्नका लागि नयाँ विधेयक ल्याउनु पर्ने हुदां संसदमा पेश गरिने भएको छ।
यसै गरी नेपाल सरकारले आज मुख्य सचिवमा भोजराज घिमिरेलाई नियुक्त गरिएको छ। संस्कृति पर्यटन तथा नागरिक उड्डयन मन्त्रालय र राष्ट्रिय योजना आयोगको सचिव बनि सक्नु भएका घिमिरे यसअघि अर्थ मन्त्रालयको सचिव हुनुहुन्थ्यो।
यसै गरी सरकारले आज गरेका नियुक्तीहरुमा प्रेस काउन्सिलको अध्यक्षमा पत्रकार राजेन्द्र दाहाल, नेपाल टेलिभिजनको अध्यक्ष पदमा डा. बेञ्जु शर्मा एवं नेपाल चेलचित्र विकास बोर्डमा शैलेश आचार्य नियुक्त हुनुभएको छ।

नेकपा एमालेले निर्माणाधीन अन्तरिम संविधानमा समेटिनुपर्ने विषयहरुका सम्बन्धमा आइतबार २३ बुँदे सुझाव दिएको छ। राजा राख्ने कि नराख्ने भनेर दलहरुमा मतभेद देखिँदै गर्दा नेपालको ठूलो राजनीतिक दल एमालेले राजाका बारेमा निर्णय गर्न संविधानसभाको निर्वाचनसँगै जनमत संग्रह गराउनुपर्ने व्यवस्थालाई अन्तरिम संविधानले समेट्नुपर्ने सुझाव मस्यौदा समितिलाई दिएको छ।

पत्रकार सुशील पन्तका अनुसार एमालेको संवैधानिक संरचना सुझाव कार्यदलले तयार पारेको सुझावहरुमा जनक्रान्तिमा नेपाली जनताको व्यक्त भावना र जनादेश बमोजिम लोकतान्त्रिक गणतन्त्रात्मक राज्य निर्माण गर्नुपर्ने उल्लेख छ। ‘जनआन्दोलनको मुख्य जनादेश लोकतान्त्रिक गणतन्त्र स्थापना भएकोले सो सम्बन्धमा जनताको मत संकलन गरी संविधानसभाले सोही अनुरुपको संविधान निर्माण गर्न जनमत संग्रह र संविधानसभाको निर्वाचन एकै पटक गर्नु व्यवस्था गरिनुपर्छ’- सुझावमा भनिएको छ। (more…)

प्रवासी नेपाली सेवा समिति,
केन्द्रीय समिति, साउदी अरब
विज्ञप्ती

सरकारले प्रस्तुत गरेको आर्थिक वर्ष०६३/६४ को बजेट भाषणमा ‘वैदेशिक रोजगार व्यवसायलाई मर्यादित, व्यवस्थित र पारदर्शी बनाउन वैदेशिक रोजगार कानुन तथा सम्बद्ध निकायको संगठनात्मक सुधार गरिनेछ । घरेलु कामदारका रूपमा वैदेशिक रोजगारीमा जान चाहने महिलाका लागि लगाइएको बन्देज हटाइनेछ’ भन्ने वैदेशिक रोजगारलाई नजरअन्दाज गरेकोमा प्रवासी नेपाली सेवा समिति नेपाल सरकारको विशेष ध्यानाकर्षण गराउदछ । (more…)

शान्ति स्थापनामा सहयोगको निम्ति आग्रह गर्दै नेपाल सरकारले १८ असारमा संयुक्त राष्ट्र संघलाई पठाएको पत्रप्रति कडा असहमति जनाउँदै नेकपा माओवादीले पनि संयुक्त राष्ट्रसंघलाई ८ साउनमा पत्र पठाएको छ।
माओवादी अध्यक्ष प्रचण्डले राष्ट्रसंघका महासचिव कोफी अन्नानलाई सम्वोधन गर्दै ‘सरकारले लेखेको पत्रका केही बुँदाप्रति कडा विरोध र असहमति जनाउन’ पत्र लेख्नु परेको जनाएका छन्। सरकारले आफूहरूसँग कुनै परामर्श नगरी गोप्य र एकपक्षिय रुपमा पत्र पठाएको उल्लेख गर्दै प्रचण्डले त्यसबाट सरकार र माओवादीवीच जारी सम्झौताको भावनाको पूर्ण उलंघन भएको बताएका छन्। सरकारी पत्रको वारेमा ३ सातापछि आफूहरुले जानकारी पाएकोले आफ्नो असहति जाहेर गर्न ढिलाई भएको प्रष्ट्याउँदै प्रचण्डले सरकारी पत्रको ३ र ४ नम्वर बुँदाले दुईपक्षवीच भएका १२ र ८ बुँदे सहमतिको पूर्ण उलंघन भएको उल्लेख गरेका छन्। साथै प्रचण्डले पत्रमा ८ बुँदेमा भएको ‘दुवै पक्षको सेना र हतियारको व्यवस्थापन तथा संविधान सभाको स्वतन्त्र र निष्पक्ष निर्वाचनको निम्नि सहयोग गर्न संयुक्त राष्ट्रसंघलाई अनुरोध गर्ने’ सहमति पनि उद्धरण गरेका छन्। (more…)

आज विहान काठमाडौबाट जलविरे गईरहेको ना १ ख ८१९३ नम्वरको यात्रु वाहक बस अरनिको राजमार्गको जलविरे क्षेत्रमा दुर्घतनामा परेको छ। उक्त दुर्घटना हुँदा कम्तिमा २४ जनाको मृत्यु भएको छ। बस फुल्पीङ डाँडा गाविसको चनौटेबाट करिव १०० मिटर तल खोलाको बगरमा खसेको थियो।

घाईते २० जनाको धुलिखेल र ६ जनाको काठमाडौमा उपचार भइरहेको छ। उद्धारमा स्थानिय वासिन्दा, मानवअधिकारकर्मी, सुरक्षाकर्मी र माओवादीहरु परिचालित थिए। अरनिको यातायातको ३४ सिट भएको उक्त बसमा क्षमताभन्दा बढी यात्रु रहेको प्रहरीले प्रारम्भिक अनुसन्धान पछि बताएको छ। २२ जनाको घटनास्थलमै मृत्यु भएको थियो। कच्चि बाटोको बिचमा रहेको ढुंगा छल्न खोज्दा बस दुर्घटनामा परेको प्रहरीले जनाएको छ। दुर्घटनामा चालक र खलासीको पनि मृत्यु भएको छ।

सशस्त्र लुटेराहरुको एक समूहले ५ साउनको मध्यान्ह करिव १२ बजे काठमाडौँको टेकूस्थित कन्टिनेन्टल मार्केटिङ्ग प्रा.लि.बाट रु.२५ लाख लुटेका छन्।
चारजनाको समूहमा आएका ती लुटेराहरुले नगद रु.२० लाख र कार्यालयमा कार्यरत कर्मचारी र ग्राहकहरुको सुनका गहना तथा मोवाइल फोनका सेटहरु लुटेर लगेका छन्। बागमती चेम्बर्सको चौथो तल्लामा रहेको उक्त कार्यालयमा पसेका ती चारजनाले स्टाफहरुलाई बन्दुक देखाएर नगद तथा जिन्सी लुटेको कम्पनीका प्रबन्ध निर्देशक राजेश उपाध्यायले बताए। उक्त कार्यालयको द्वारमा सुरक्षा गार्ड राख्ने र जाँच गर्ने कुनै प्रबन्ध थिएन। यसअघि पनि दिउँसै राजधानीको क्षेत्रपाटी र जोरपाटीस्थित बैङ्क लुटिएको थियो।
घटना स्थलमा घटना घटेको १५ मिनेटमा नै उपत्यका अपराध अनुसन्धान शाखाको एक टोली त्यहाँ पुगी सिसिटिभी कब्जामा लिएको एबं अपराधीहरूको पहिचान भै सकेको एक प्रहरी अधिकृत जनाएका छन्।

२०जुलाई२००६(एजेन्सीहरु)-नेपालमा सरकारले हाल जारी शान्ति प्रकृयामा सघाउन अनुरोध गर्दै दुइ साताभन्दा केहीअघि संयुक्त राष्ट्रसंघलाई पठाएको पत्र बुधवार सार्वजनिक गरीएको प्राप्त समाचारहरुमा जनाइएको छ। त्यसैगरी सञ्चार माध्यमहरुमा जनाइए अनुसार,माओवादी विद्रोहीहरुले आफूहरूसंग परामर्श नगरी सो पत्र पठाइएको भनि त्यसको विरोध गरेका थिए। सभामुख नेम्वाङ्गले वार्ता प्रकृया संसदीय अनुगमन समितिको बुधबार बसेको बैठकमा प्रधानमन्त्री गिरिजाप्रसाद कोइरालाले राष्ट्रसंघका महासचिव कोफी आननलाई पठाएको पत्र प्रस्तुत गरेका थिए। (more…)

२०जुलाई२००६(एजेन्सीहरु)-नेपालमा सुविधा बृद्धिको माग गर्दै आएका नेपालका अतिरिक्त हुलाकका कर्मचारीहरूले बुधबारबाट देशभरीका अतिरिक्त हुलाक कार्यालयहरू बन्द गराएका सञ्चार माध्यमहरुमा जनाइएको छ । यसै क्रममा समाचारहरुमा उल्लेख भए अनुसार,सरकारले असार मसान्तसम्ममा आफ्ना माग पूरा गर्ने आश्वासन दिएरपनि त्यसप्रति कुनै वास्ता नगरेको भन्दै त्यहां कार्यरत कर्मचारीहरू आन्दोलनमा उत्रिएका हुन्। त्यसैगरी मासिक १,००० काम गर्दै आएका अतिरिक्त हुलाकका कर्मचारीहरूले, श्रेणी विहीन सरकारी कर्मचारीहरू सरहको सुविधाको माग गरेका छन्। (more…)

सातदलका वरिष्ठ नेताहरुको २ साउनमा सम्पन्न बैठकले ५ साउनमा हुने भनिएको सातदल–माओवादी शीर्ष बैठकमा प्रस्तुत हुने एजेण्डाबारे अनौचारीक सहमति निर्माण गरेको छ।
तर उक्त वार्तामा अन्तरिम संसद र सरकार लगायतका विषय छलफलको एजेण्डामा नपरेको नेपाल मजदूर किसान पार्टीका अध्यक्ष नारायणमान विजुक्छेले बताउनु भयो। उहाँका अनुसार, शीर्ष वार्तामा शान्ति स्थापनाको निम्ति शान्ति सम्झौता, हतियार व्यवस्थापन, कव्जा गरिएको सम्पति फिर्ता गर्ने र विस्थापितलाई पुनःस्थापित गर्ने विषयमा छलफल हुनेछ। यसअघि भने अन्तरिम सरकार र संसदको विकल्पको बारेमा छलफल केन्द्रीत हुने बताइएको थियो। “विवाद देखिएकोले तत्काल त्यसबारे छलफल हुनेछैन,” विजुक्छेले भन्नु भयो (more…)

१८जुलाई२००६(एजेन्सीहरु)-नेपालमा निशस्त्रीकरण तथा सशस्त्र लडाकुहरूलाई व्यवस्थित गर्ने विषयका एकजना वरिष्ठ राष्ट्रसंघीय अधिकारी शान्ति प्रकृयामा सघाउन राजधानी काठमाडौं आएका सञ्चार माध्यमहरुमा जनाइएको छ। त्यसैगरी सञ्चार माध्यमहरुमा जनाइए अनुसार,गत हप्ता नै नेपाल आइपुगेका भएपनि ती अधिकारी एड्रीयन भर्ह्युलको आगमनबारे उनी राजधानी काठमाडौंमा सोमबार आयोजित एउटा कार्यक्रममा सहभागि भएपछि मात्र थाहा भएको थियो। (more…)