२९जुन२००६(एजेन्सीहरु)- माओवादीका शीर्ष नेता बाबुराम भट्टराई र प्रवक्ता कृष्ण बहादुर महराले भारतीय राजदूत शिवशंकर मुखर्जीसंग भेट गर्नुभएको प्राप्त समाचारहरुमा जनाइएको छ । यसका साथै राजदूतावासका प्रवक्ता गोपाल वाग्लेले राजदूत-माओवादी वार्ता समसामयिक स्थितिमा केन्द्रित रहेको भन्ने बाहेक थप जानकारी दिन अस्वीकार गर्नुभयो। तर माओवादी प्रवक्ता महराले भने केही खुलेर जानकारी दिनुभएको थियो। यसैबीच उहांले राजदूत मुखर्जीले लोकतान्त्रिक प्रक्रियालाई संस्थागत गर्ने र वार्ताबाट एउटा निष्कर्षमा पुग्ने जस्ता बिषयमा भारतको सकारात्मक सहयोग रहने धारणा व्यक्त गर्नुभएको बताउनुभएको समाचारहरुमा जनाइएको छ । (more…)

२९जुन२००६(एजेन्सीहरु)-नेपालमा अमेरीकी राजदूत जेम्स मोरीआर्टीले माओवादी विद्रोहीहरूले हत्या, अपहरण, जबर्जस्ती चन्दा असूलीजस्ता गतिविधि जारी राखेको भन्दै गहिरो चिन्ता व्यक्त गर्नुभएको प्राप्त समाचारहरुमा जनाइएको छ। त्यसैगरी सञ्चार माध्यमहरुमा जनाइए अनुसार,बुधबार राजधानीमा आयोजित एक कार्यक्रमलाई सम्बोधन गर्दै श्री मोरिआर्टीले आफ्नो मन्तव्यको प्रमुख अंश माओवादीको व्यवहारको आलोचना गर्नमै खर्चनु भयो। उहाँ सातदलीय गठबन्धन तथा नेकपा माओवादीबीच सात महिना पहिले सम्पन्न १२ बूंदे सहमतिका कटु आलोचक रहिआउनुभएको छ। यसका साथै श्री मोरिआर्टीले जनआन्दोलनको बलबाट गठित नयां सरकारले नेपालमा शान्ति स्थापना गर्नका लागि जुन उत्साह र इमान्दारी देखाएर माओवादीहरुसंग समझदारी कायम गरेको छ, त्यसको तुलनामा माओवादीहरुले उत्तिकै इमान्दारी नदेखाएको आरोप लगाउनुभयो। (more…)

काठमाडौँ,
संसद् भवनमा हिजो आयोजित एक कार्यक्रममा सभामुख सुवास नेम्वाड तथा सांसदहरूलगायतका अन्य पदाधिकारीहरूले पद तथा गोपनीयताको सपथग्रहण गर्नुभयो । यसअघि भएको प्रतिनिधिसभाको ऐतिहासिक घोषणा र हालै जारी प्रतिनिधिसभाको नयाँ नियमावली अनुसार सपथग्रहण कार्यक्रम आयोजना भएको हो । प्रतिनिधिसभाको हिजोको सपथग्रहण कार्यक्रममा स्वास्थ्यका कारण प्रधानमन्त्री गिरिजाप्रसाद कोइराला उपस्थित हुन असमर्थ हुनुभएपछि प्रधानमन्त्री र मन्त्रीहरूले प्रतिनिधिसभासमक्ष लिने सपथग्रहण कार्यक्रम भने हिजो हुन सकेन र सो कार्यक्रम पछि हुने जानकारी गराइएको थियो । संसद् भवनमा आयोजित कार्यक्रममा सभामुख सुवास नेम्वाडले पहिले आफूले पद तथा गोपनीयताको सपथ लिनुभयो भने त्यसपछि उहाँले प्रतिनिधिसभाका सांसदहरूलाई सपथ गराउनुभएको थियो । त्यसपछि उपसभामुख चित्रलेखा यादव, राष्ट्रियसभाका उपाध्यक्ष रामपृत पासवान तथा राष्ट्रियसभाका सदस्यहरूलाई पनि सपथ गराइएको थियो । यसैगरी प्रतिनिधिसभाका विभिन्न समितिका पदाधिकारीहरु संसद सचिवालयका महासचिवले पनि प्रतिनिधिसभा समक्ष सपथ ग्रहण गरेका छन् । जनआन्दोलनको बलमा वैशाख ११ गते पुनःस्थापित प्रतिनिधिसभा जेठ ४ को ऐतिहासिक घोषणा भएपछि पूर्ण रुपमा सार्वभौम र अधिकार सम्पन्न भएको छ । सपथग्रहण कार्यक्रममा संसद् भवनभित्र केही नौला र अनौठा घटनाक्रम देखिएका थिए । कार्यक्रममा विगत सरकारमा मन्त्री बनेका तथा जनआन्दोलन दबाउने काममा संलग्न भएको आशङ्कामा रायमाझी आयोगबाट बयानका लागि बोलावट भएका पूर्वमन्त्री बद्रीप्रसाद मण्डलले पनि प्रतिनिधिसभाको सांसदका रूपमा सपथग्रहण गर्नुभयो । त्यस्तै, विगत सरकारका अर्थ राज्यमन्त्री डा.रूपज्योति तथा पर्यटन तथा नागरिक उडड्यन राज्यमन्त्री याङ्किला शेर्पाले पनि राष्ट्रियसभाका सांसदको हैसियतमा प्रतिनिधिसभाको नियमावली अनुसार पद तथा गोपनीयताको सपथ लिनुभएको थियो । संसद् भवनभित्र सभामुखको कुर्सीभन्दा माथि रहेको राजाको सिंहासन तथा त्यसमाथि रहेको राजदण्ड आज पहिलोपटक सो स्थानबाट हटाइएको थियो । विगतमा राजाबाट दुवै सदनलाई संयुक्तरूपमा सम्बोधन गर्दा सो सिंहासनबाट सम्बोधन गर्ने परम्परा रहेको थियो ।

जुन २७ को खेल नतिजा
ब्राजिल ३ : ० घाना
स्पेन १ : ३ फ्रान्स
जुन २६ को खेल नतिजा
इटाली १ :० अस्ट्रेलिया
स्विस ० :३ युक्रेन
जुन २५ को खेल नतिजा
इङल्यान्ड १ : ० इक्वेडर
पोर्चुगल १ : ० नेडरल्यान्ड
जुन २४ को खेल नतिजा
जर्मनी २ : ० स्वेडेन
अर्जेन्टिना २ : १ मेक्सिको

२८जुन२००६(एजेन्सीहरु)-नेपालस्थित राष्ट्रसंघीय मानवअधिकार निकायले माओवादी विद्रोहीहरुले मानवअधिकार हननका कार्य जारी राखेको आरोप लगाएको छ। यसका साथै मानवअधिकार उच्चायुक्तको कार्यालयका अनुसार माओवादी युद्धविरामको दुइ महिनायता नौजनाको हत्या गरिएको सञ्चार माध्यमहरुमा उल्लेख छ। (more…)

२८जुन२००६(एजेन्सीहरु)- जनआन्दोलन दबाउन गरिएको भनिएको ज्यादतीका बारे छानविन गर्न गठन गरिएको उच्च स्तरीय जाँचबुझ आयोगले पूर्व शाही सरकारका तीनजना मन्त्रीहरुसंग बयान लिएको प्राप्त समाचारहरुमा जनाइएको छ। यसै क्रममा प्राप्त समाचारमा जनाइए अनुसार,तत्कालीन मन्त्रीपरिषदका उपाध्यक्ष डा तुलसी गिरी, वरिष्ठ मन्त्री बद्रीप्रसाद मण्डल र सहायक मन्त्री नृक्षसम्शेर राणासँग आयोगले मंगलवार छुट्टा-छुट्टै बयान लिएको थियो।
(more…)

जुन २६ को खेल नतिजा
इटाली १ :० अस्ट्रेलिया
स्विस ० :३ युक्रेन
(more…)

२७जुन२००६(एजेन्सीहरु)-बृटिश युवराज चार्ल्सद्वारा बहादुरीका लागि दिइने सर्बोच्च बृटिश पदक भिक्टोरीय क्रसको १५०औं वर्षगाँठका अवसरमा सो पदक विजेताहरुप्रति सम्मान व्यक्त गर्नुभएको प्राप्त समाचारहरुमा जनाइएको छ। यसै क्रममा प्राप्त समाचारमा जनाइए अनुसार,लण्डनको वेष्टमिन्स्टर एबीमा सोमवार आयोजित समारोहमा भिक्टोरीय क्रस प्राप्त गर्ने जीवित रहेका १२ जनामध्ये आठजनाको उक्त समारोहमा उपस्थिति थियो। तिनमा दुई जना नेपाली लक्षिमन गुरुङ र रामबहादुर लिम्बु पनि हुनुहन्थ्यो। अठासी वर्षीय भूतपूर्व राइफलम्यान लक्षिमन गुरूङले दोश्रो विश्व युद्धमा एउटा आँखा गुमाएपछि पनि २०० जापानी सैनिकहरू विरूद्ध एक्लै लड्नु भएको थियो। त्यसैगरी श्री लिम्बुले चाहीँ सन् १९६५ मा बोर्नियोमा आफ्ना २०० साथीहरूलाई बचाए बापत भिक्टोरिया क्रस पाउनुभएको हो।सो पदकद्वारा विभूषित अन्य दुईजना नेपालीहरूको उमेर हाल ८० वर्षको हाराहारीमा रहेको छ। यसका साथै उहाँहरूलाई बर्मामा भएको कारवाहीका क्रममा प्रदर्शन गरेको बहादुरी बापत सो पदक प्रदान गरिएको थियो। यसै बीच उहाँहरू मध्ये एकजनाले आफ्ना सम्पूर्ण साथीहरू मारिइसकेपछि पनि हमला जारी राख्‍नु भएको थियो भने अर्कोले कब्जामा परेको बंकरमाथि जापानीहरूले गरेका प्रत्याक्रमणलाई निस्तेज पार्नुभएको थियो। (more…)

२७जुन२००६(एजेन्सीहरु)-नेकपा एमालेका महासचिव माधवकुमार नेपालद्वारा माओवादी विद्रोहीहरू एमालेलाई पन्छाउन लागि परेको आरोप लगाउनुभएको सञ्चार माध्यमहरुमा उल्लेख छ। यसै बीच प्राप्त समाचारमा जनाइए अनुसार,श्री नेपाल एमालेको भेरी अञ्चल समन्वय कमिटिद्वारा आयोजीत अञ्चलस्तरीय कार्यकर्ता प्रशिक्षणको क्रममा नेपालगंजमा माओवादी विद्रोहीहरू र एमालेबीचको पछिल्लो आरोप प्रत्यारोपका बारे टिप्पणी गर्दै हुनुहुन्य्यो। उहांले कार्यकर्तालाई होशियार गराउंदै भन्नुभयो, “[माओवादीहरु] गाउं, गाउंमा तपाईंको घरमा आउलान, खासखुस गर्लान, भ्रमित पार्लान, यि कुनै जालझेलमा नपर्नुहोला। यसका साथै यि सब जालीमाल विक्री गर्ने तत्वहरू हुन्।” त्यसैगरी सरकार-विद्रोही शीर्ष वार्ताको निश्कर्षका विषयमा सात दलबीच आरोप-प्रत्यारोप चलिरहंदा श्री नेपाल बल्खुमा दुइ दिनसम्म भएको सात दलको बैठकले त्यस्तो मनमुटावको अन्त्य गरेको बताउनुभएको उल्लेख छ। (more…)

जुन २५ को खेल नतिजा
इङल्यान्ड १ : ० इक्वेडर
पोर्चुगल १ : ० नेडरल्यान्ड
(more…)