दुइ लुटेरा ठाउँकोठाउँ पक्राउ, घटनास्थलबाट २६ लाख र तीन पेस्तोल बरामद

काठमाडौं । आज विहान एघार बजे जोरपाटीस्थित नेपाल अरब बैंक लुट्ने प्रयास असफल भएको छ । बैंक लुट्ने योजनासहित सात जनाको लुटेरा समुहले किया कम्पनीको माइक्रो बस रिजर्भ गरी बैंक लुट्न पुगेका थिए । हतियारसहित बैंक लुट्ने क्रममा बैंकभित्र प्रवेश गरि एक झोला पैसासहित बाहिर निस्कन लाग्दै गर्दा बैंकका सेक्यूरीटी गार्डले लुटेराको समूहमाथि प्रतिकार गरेका थिए । प्रतिकारका क्रममा लुटेराको समुहले प्रहार गरेको गोली लागि बैंकका सेक्यूरीटि गार्ड तेजबहादुर थापा -पूर्व प्रहरी हवल्दार) मारिएका छन् भने अर्का दुइ जनाको पनि प्रतिकारका क्रममा मृत्यु भएको बताइएको छ । ती व्यक्तिको बैंकका सेक्यूरीटी गार्डले चलाएको गोली लागेर मृत्यु भएको हो । दोहोरो गोली हानाहान भएपछि केहीबेर बैंक परिसर आतंकित भएको थियो । घटनास्थलबाट सुरक्षाकर्मीले दुइ थान पेस्तोल र २५ लाख ५४ हजार ८२ रुपैयाँसहितको झोला फेला पर्न सफल भएको बताइएको छ । मारिने अन्य दुइ जनामा प्रेमबहादुर तामाङ र छेवाङ बहादुर लामा रहेको बुझिएको छ । (more…)

नेपालमा महिलाहरुलाई अधिकार सम्पन्न बनाउने प्रस्तावलाई प्रतिनिधिसभाको बैठकले पारित, बिहे नगरेकी केटीले जन्माएको बच्चाले पनि नागरिकता पाउने

(एजेन्सीहरु)-नेपालमा विभेदको अन्त्य गर्दै महिलाहरुलाई अधिकार सम्पन्न बनाउने एउटा प्रस्तावलाई मंगलबारको प्रतिनिधिसभाको बैठकले पारित गरेको छ।यसैगरि सामन्ती व्यवस्था हटाउने र समानुपातिक सहभागिता बढाउने सो प्रस्तावमा आमाको नामबाट समेत नागरिकता पाउने व्यवस्था गरिएको संचार माध्यमहरुमा जनाइएको छ । त्यसैगरी प्राप्त समाचारहरुमा अनुसार, एमाले सांसद विद्यादेवी भण्डारीले प्रस्तुत गर्नुभएको जरुरी र्सार्वजनिक महत्वको सो प्रस्तावलाई प्रतिनिधिसभा ग्यालरी हलमा उपस्थित सम्पूर्ण सांसदहरुले एकमतले पारित गरेका थिए। (more…)

(एजेन्सीहरु)-नेपालमा सरकार तथा विद्रोही दुवैपक्षले हालै शुरु भएको शान्ति प्रक्रियामा संयुक्त राष्ट्रसंघलाई सहभागी गराउने बारे आउंदो चरणको वार्तामा छलफल गरिने बताएका प्राप्त समाचारहरुमा जनाइएको छ। त्यसैगरी समाचारहरुमा उल्लेख भए अनुसार,राष्ट्रसंघलाई के-कस्तो जिम्मेवारी दिईने हो भन्नेबारे चाहिं तय भैनसकेको उनीहरुको भनाई छ।साथै गत शुक्रबार काठमाण्डौको गोकर्णमा नेपाल सरकार तथा माओवादी विद्रोहीहरुबीच भएको पहिलो वार्तापछि जारी २५ बूंदे आचारसंहितामा दुवै पक्ष आपसी सहमतिका आधारमा राष्ट्रिय तथा अन्तर्राष्ट्रिय संस्थाद्वारा युद्धविरामको अनुगमन गराउन सहमत भएका थिए। तर ति संस्थाहरू कुन कुन हुन सक्छन् भन्ने चाहिं खुलाइएको थिएन। (more…)

अहिलेसम्म कै सबै भन्दा महङ्गो भाउमा अमेरिकामा एउटा घर बिक्रीको लागि राखिएको छ। अमेरिकाको क्यालिफोर्नियामा रहेको सो घरको भाउ ७५ मिलियन अमेरिकी डलर राखिएको छ। नेपालीमा कति रुपैया हुन्छ तपाइहरु आफै हिसाब गर्नुस्। समुन्द्रको छेउमा रहेको उक्त घर को छेत्रफल २२००० स्कुयार फिट छ भने घर भित्रै क्याफे र वाटर पार्क् पनि छ रे। यो ७५ मिलियनको घर कस्तो छ त आउनुस् हेरौ यसको भिडियो क्लिप्।

यो भिडियोलाइ डाउनलोड गर्न यहाँ राइट क्लिक गरी सेभ टार्गेट एज गर्नुस्।

२९मे२००६-(एजेन्सीहरु)-संयुक्त राष्ट्र संघको आव्हानमा शान्ति स्थापनाका लागि अफ्रिकी राष्ट्र कंगो पुगेका नेपाली सेनाका एक जनालाई त्यहाँका व्रि्रोहीले हत्या गरेका छन् भने ७ जनालाई बन्दी बनाएका संचार माध्यमहरुमा उल्लेख छ। यसै बीच समाचारमा जनाइए अनुसार,व्रि्रोहीहरुसँग भएको दोहोरो भिडन्तमा परी तीन नेपाली सैनिक घाइते भएका छन् । त्यसैगरी घाइतेहरुको कंगोस्थित राष्ट्र संघीय अस्पतालमा उपचार भइरहेको छ।
(more…)

२९मे२००६-(एजेन्सीहरु)-नेपालमा भोजपुरको रानीबास गाविसस्थित हतुवागडी ब्यारेक नजिक भएको विष्फोटनमा परी चार जना नेपाली सैनिकको मृत्यु भएको प्राप्त समाचारहरुमा जनाइएको छ । त्यसैगरी समाचारहरुमा उल्लेख भए अनुसार,घटनामा एक जना घाइते भएका छन् । नेपाली सेनाको पूर्वी पृतना मुख्यालयका अनुसार भोजपुर सदरमुकामबाट दक्षिणमा पर्ने सो ब्यारेकको सुधारका लागि सरसफाइ गर्दा जमिनमुनीको स्वीच मोर्टार बम विष्फोट भएको हो । बिहान करिब ९.३० बजे भएको सो घटनामा परी मृत्यु हुनेमा सेनाका जवान महेन्द्रकुमार खड्का, भक्तबहादुर सुनुवार, सर्यबहादुर र विनोदमान श्रेष्ठ रहेका छन् । त्यसैगरी ब्यारेकको भवनभन्दा करिब पाँच सय मिटर पर भएको सो विष्फोटनमा घाइते भएको सिपाही मिनबहादुर कुमाललाई उपचारका लागि धरान ल्याइएको छ। यसका साथै माटोको चपरी हटाउने क्रममा भएको सो विष्फोटनको अनुसन्धान भइरहेको सेनाको पूर्वी पृतनाले जनाएको संचार माध्यमहरुमा उल्लेख छ।

२९मे२००६-(एजेन्सीहरु)-नेपालमा त्रिभुवन विश्वविद्यालयका कर्मचारीहरुद्बारा असोज १८ गते पछि नियुक्त भएका पदाधिकारीहरुको राजिनामा माग गर्दै आन्दोलन चर्काएपछि त्रिभुवन विश्वविद्यालयका उपकुलपति तथा शिक्षाध्याक्षद्बारा पदबाट राजिनामा दिएका प्राप्त समाचारहरुमा जनाइएको छ।
(more…)

(एजेन्सीहरु)- नेपालमा आन्दोलनरत सात राजनितिक दलहरुका शीर्ष नेताहरुको आइतबार अपरान्ह बसेको बैठकले स्थानीय निकाय र पुनस्थापित गर्ने निर्णय गरेको संचार माध्यमहरुमा उल्लेख छ।

त्यसैगरी समाचारहरुमा उल्लेख भए अनुसार,प्रधानमन्त्री निवास वालुवाटारमा आइतबार अपरान्ह बसेको सात दलको शीर्ष नेताहरुको बैठक पछि पत्रकारहरुसँग कुरा गदै गृह मन्त्री तथा सरकारी वार्ता टोलीका संयोजक कृष्ण प्रसाद सिटौलाले सो जानकारी गराउनुभएको हो। साथै उहाँका अनुसार सरकार र माओवादी विच भएको २५ बुँदे समझदारी र माओवादीसँग हुने दोश्रो बार्ताको बारेमा पनि सातदलका शीर्षस्थ नेताहरुबाट सल्लाह र सुझाव लिएको जानकारी दिनुभयो। (more…)

(एजेन्सीहरु)- नेपालमा आखिल यूरोप नेपाली एकता समाजद्बारा जनमोर्चा नेपालका अध्यक्ष अमिक शेरचनको प्रेस वक्तव्य जारी गरी राजिनामा माग गरेको प्राप्त जारी प्रेस वक्तव्यमा जनाइएको छ।
त्यसैगरी जारी प्रेस वक्तव्यमा उल्लेख भए अनुसार,अमिक शेरचन, पारी थापा,नवराज सुबेदि,लीलामणी जस्ता २,४ जना व्यक्तीहरुले सत्तामा गइ आफ्नो स्वार्थ पुरा गर्न पार्टीको प्रयोग गरिएको देखिएको र यसका साथै अहिलेको यस परिस्थितीमा जनमोर्चा नेपाल सरकारमा जानु भन्दा बाहिरा बस्नु नै पार्टीको सिदान्तत अति राम्रो हुने भएकोले सत्ता लिप्सामा नटासिना पार्टीलाई आहव्न गरिएको जनाइएको छ। यसैगरी वर्तमान सरकारमा जाने वा नजाने विषयमा विबाद उत्पन्न भइपछि जनमोर्चा नेपाल औपचारिक रुपमै शनिबारबाट दुइ टुक्रामा विभाजित थियो । प्राप्त जारी प्रेस वक्तव्यको पूर्ण पाठ तल रहेको छ- (more…)

( कवि अर्जुन पराजुलीको ‘बालाई चिठी’ पढेपछि । )

छोरा !
मेरो सहानुभूति छ
तिम्रो त्यो बेहालमा
मेरो पनि त दुर्गति छ
बाबै, यो पातालमा ।
भयातंक छ यता
सधैं खेदिनुपर्छ मात्र मैले
तिमीलाई जस्तै
मलाई त्रास
मात्र छ अहिले । (more…)