‘माओवादीका सेना समाहित गर्न तयार’
काठमाडौं, वैशाख १२ - प्रधानसेनापति प्यारजंग थापाले स्थायी शान्तिका लागि शाही नेपाली सेना र माओवादी सैन्य दस्तालाई समाहित गर्ने प्रक्रिया सेनाका लागि स्विकार्य भएको बताएका छन् ।
शाही घोषणापछि अमेरिकी टेलिभिजन सीएनएनलाई दिएको अन्तर्वार्तामा थापाले माओवादीसँग गरिने वार्ताबाट देशमा शान्ति आउन सक्ने विश्वास व्यक्त गरेका छन् ।
थापाले कुनै पनि सरकारसँग काम गर्न सेना तयार रहेको र सधैं प्रधानमन्त्री र रक्षामन्त्रीप्रति उत्तरदायी हुने बताएका छन् । अन्तर्वार्ताका क्रममा उनले माओवादी छापामारहरूलाई उनीहरूको क्षमता र योग्यताका आधारमा सेनामा एकीकृत गर्न सकिनेसमेत उल्लेख गरेका छन् ।
—कान्तिपुर
गृह पृष्ठ
