परेवा डटकमले आफ्नो अनलाईन संस्करणमा प्रकाशित गरेको समाचार अनुसार, पुनर्स्थापित संसदको पहिलो बैठकमा संविधान सभामा जाने प्रस्ताव प्रस्तुत भएको छ।

प्रस्तावक प्रधानमन्त्री गिरिजाप्रसाद कोइराला रहनुभएको छ भने समर्थक सातै दलका संसदीय दलका नेता रहेका छन्। कोइराला उपस्थित नहुनुभएकोले प्रस्ताव उपसभामुख चित्रलेखा यादवले पढ्नु भएको थियो। (more…)

अहिले संसद भवनमा अधिवेशन सुरु भएको छ। प्रधानमन्त्री गिरिजा प्रसाद कोइरालाको ब्रिग्रंदो स्वास्थ्यस्थितिका कारण उहां प्रतिनिधिसभाको बैठकमा उपस्थित हुन सक्नुभएन। सबिंधानसभाको निर्वाचनले बिषयमा हुने छलफलले आज प्रवेश पाउने नपाउने बारेमा अन्योल बढेको छ । नेपाली कांग्रेसका कामु मुख्य सचिव शोभाकर पराजुलीले गिरिजा प्रसाद कोइरालाको अनुपस्थितिमा पनि बैठकमा संविधानसभाले प्रवेश पाउने सम्भावना रहेको बताउनु भयो । प्रतिनिधिसभाको कार्यसुचिको बिषयमा छलफल गर्न दलहरुको बैठक जारी रहेको समाचार सुत्रले बताएको छ । (more…)

काठमाडौं, वैशाख १२ - प्रधानसेनापति प्यारजंग थापाले स्थायी शान्तिका लागि शाही नेपाली सेना र माओवादी सैन्य दस्तालाई समाहित गर्ने प्रक्रिया सेनाका लागि स्विकार्य भएको बताएका छन् ।
शाही घोषणापछि अमेरिकी टेलिभिजन सीएनएनलाई दिएको अन्तर्वार्तामा थापाले माओवादीसँग गरिने वार्ताबाट देशमा शान्ति आउन सक्ने विश्वास व्यक्त गरेका छन् । (more…)

२५ अप्रिल २००६
राजाद्धारा प्रतिनिधिसभाको पुनःस्थापना गरेपछि १२ बैशाखमा बसेको आन्दोलनरत सातदलको बैठकले गरेको निर्णयमा नेपाली कांग्रेसका सभापति गिरिजाप्रसाद कोइराला, नेकपा एमालेका महासचिव माधवकुमार नेपाल, नेपाली कांग्रेस प्रजातान्त्रिकका सभापति शेरबहादुर देउवा, जनमोर्चा नेपालका अध्यक्ष अमिक शेरचन, नेपाल मजदूर किसान पार्टीका अध्यक्ष नारायणमान विजुक्छें, नेपाल सद्‌भावना पार्टी आनन्दीदेवीका उपाध्यक्ष भरतविमल यादव, संयुक्त वाममोर्चा नेपालका कार्यवाहक अध्यक्ष विष्णुबहादुर मानन्धरले हस्ताक्षर गर्नुभएको छ। उक्त निर्णय यस्तो छ। (more…)

प्रधानमन्त्रीमा कोइराला प्रस्तावित
मंगलबार, १२ वैशाख २०६३
आज बिहान कोइराला निवास महाराजगञ्जमा बसेको सात पार्टीको बैठकले ८४ वर्षीय गिरिजाप्रसाद कोइरालालाई सर्वसम्मत प्रधानमन्त्री पदका लागि प्रस्तावित गरेको छ। मुलुकको विषम परिस्थितिमा कोइराला पाँचौ पटक प्रधानमन्त्री बन्न लागिरहेका छन्।

एमाले महासचिव माधवकुमार नेपाल र नेपाली काङ्ग्रेस (प्रजातान्त्रिक) का सभापति शेरबहादुर देउवा प्रस्तावक र अन्य आन्दोलनरत तीन दलको समर्थनमा कोइरालाको नाम प्रधानमन्त्री पदमा सर्वसम्मत गरिएको हो। प्रतिनिधिसभाको पुनर्स्थापनालाई प्रस्थान विन्दु र संविधानसभालाई समाधान भन्दै आएका सात राजनीतिक दलको बैठकले उनीहरुले यसअघि सार्वजनिक गरेका ६ बुँदे कार्यक्रम र माओवादीसँग भएको १२ बुँदे समझदारीलाई संसदको प्राथमिक कार्यसूची बनाउने राजनीतिक निर्णय लिएका भए पनि माओवादीको प्ररम्भिक प्रतिकृया भने आफ्नै किसिमको रहेको छ। हुन सक्छ यो घुमाउरो पाराको समर्थन हो। देश धेरै रोई सकेको छ, अब सुधार्ने दिन आएनन् र ?
नेपाल कम्युनिष्ट पार्टी (माओवादी) द्वारा आज जारी गरिएको प्रेस वक्तव्यको पूर्ण पाठ यस प्रकार रहेको छ। (more…)

श्री ५ ज्ञानेन्द्रबाट ११ बैशाख अबेर राति राष्ट्रको नाममा दिइबक्सेको सन्देशमा २०५९ जेठ ८ गते विगठन भएको प्रतिनीधि सभा पुनर्स्थापित गरिबक्सेको छ। सार्वभौमसत्ता नेपाली जनतामा नै रहेको स्विकार गर्दै, सन्देशमा मैसुफबाट सिंहदरबारमा २०६३ बैशाख १५ गते प्रतिनीधि सभाको बैठककालागि आह्वान गरिबक्सेको छ। यसैबीच सन्देशमा जनआन्दोलनमा दिवंगत भएकाहरू समवेदना प्रकट गरिबक्सनुकासाथै घाइतेहरूको शिघ्र स्वास्थ्य लाभको कामाना गरिबक्सेको छ।

सातदलका नेताहरूद्धारा २५ अप्रिलमा हुने प्रदर्शनहरुको नेतृत्व गर्ने!!!सरकार संकटकाल घोषणा गर्ने तयारीमा
२४अप्रिल२००६(एजेन्सीहरु)-
नेपालमा राजधानी काठमाडौंलगायत देशभर जनताले सरकारद्वारा लगाइएको कर्फ्युको अवज्ञा गर्दै जनआन्दोलनको अठारौं दिन पनि मुलुकभर सफलतापूर्वक ब्यापक विरोध सभा र र्‍याली सम्पन्न गरेका छन् ।यसका साथै सुरक्षाकर्मीको ब्यापक गोली, लाठी, र अश्रुग्याँस प्रहारका पछि पनि हजारौंको संख्यामा सडकमा उत्रिएका जनताले राजाको शुक्रबारको शाही घोषणा जनतालाई भ्रम पार्ने मात्र भएको भनी विरोध जनाएका प्राप्त समाचारहरुमा जनाइएको छ। (more…)

जनताको सार्वभौम अधिकार सुनिश्चित नहुँदासम्म आन्दोलन जारी राख्ने प्रतिबद्धता
काठमाडौं, बैशाख ९/नेकपा (माओवादी)ले शाही घोषणालाई घृणापूर्वक खारेज गरेको छ । उसले न्यूनतमरुपमा निःसर्त संविभानसभामार्फत नेपाली जनताको सार्वभौम अधिकार सुनिश्चित नहुँदासम्म आन्दोलन जारी राख्ने प्रतिबद्धता समेत व्यक्त गरेको छ ।
नेकपा(माओवादी)का अध्यक्ष क.प्रचण्डले आज एक वक्तव्य जारी गर्दै भन्नुभएको छ-”कथित शाही घोषणाको लगत्तै हिजो बेलुकादेखि देशव्यापीरुपमा सडकबाट त्यसप्रति घृणा, आक्रोश र अस्वीकृति जाहेर गरेर नेपाली जनताले सामन्ती षडयन्त्रका विरुद्ध आफ्नो सुझबुझ र पहलकदमीलाई सशक्त ढंगले उजागर गरिसकेका छन् । हाम्रो पार्टी नेपाली जनताको यो महान् पहलकदमीलाई उच्च सम्मान गर्दै, सामन्ती तत्वहरुको षडयन्त्रमूलक घोषणालाई घृणापूर्वक खारेज गर्दछ र न्यूनतमरुपमा, निःसर्त संविभानसभामार्फ् नेपाली जनताको सार्वभौम अधिकार सुनिश्चित नहुँदासम्म आन्दोलन जारी राख्ने प्रतिबद्धता व्यक्त गर्दछ ।”
उक्त वक्तव्यको पूर्ण पाठ यसप्रकार छ :- (more…)

साभार- हिमालखबर
आइतबार, २३ अप्रिल २००६
कोइराला निवास महाराजगञ्जमा आज अपरान्ह सात दलका शीर्ष नेताहरुको बैठक चलिरहेका बेला निवासको मूलद्धारमा एकत्रित भएका कार्यकर्ताहरुले शाही घोषणाको विरोधमा नारबाजी गरेका थिए। नाराबाजी नरोकिएपछि दलका शीर्ष नेताहरु घरको छतमा आएर आन्दोलन जारी रहने आश्वासन दिएपछि मात्र आन्दोलनकारीहरु साम्य भएको त्यहाँबाट हाम्रा सम्वाददाताले बताएका छन्। उनीहरुले ‘शाही घोषणा धोका हो, नेताहरु होशियार’ भन्ने नारा लगाएका थिए। (more…)

२२अप्रिल२००६(एजेन्सीहरु)-नेपालमा आन्दोलनरत सात दलहरुले श्री ५ ज्ञानेन्द्रको आहृवान प्रति असहमति जनाउंदै जनआन्दोलन निरन्तर जारी रहने विश्वास गरेका छन र साथै श्री ५ ज्ञानेन्द्रको शाही सम्बोधनप्रति असन्तुष्टी व्यक्त गर्दै राजधानी काठमाडौं लगायत देशभर “शाही घोषणा धोका हो, नेताहरू होशियार” भन्ने जस्ता नाराहरू लगाउदै अझ तिब्र प्रदर्शनहरु भइरहेका प्राप्त समाचारहरुमा जनाइएको छ। (more…)