सात राजनीतिक दलहरूद्बारा आन्दोलनका विभिन्न कार्यक्रमहरु घोषणा
२५ फेब्रुवरी २००६(एजेन्सीहरु)- सात राजनीतिक दलहरूको जनआन्दोलन परिचालन कमिटिको बसेको बैठकले आन्दोलनका विभिन्न कार्यक्रमहरु घोषणा गरेको संचार माध्यमहरुमा उल्लेख छ। यसै क्रममा प्राप्त समाचार अनुसार,बैठकपछि घोषित आन्दोलनका कार्यक्रमहरुमा यही फागुन १८ गते दिउँसो देशव्यापी विद्यार्थीहरुले जुलुस प्रदर्शन गर्ने भएका छन् । त्यसैगरी फागुन १७ गनेदेखि २३ गतेसम्म नगरनिर्वाचनमा विजयी भएका जनप्रतिनिधिहरुलाई पद त्याग गराउन विभिन्न कार्यक्रम संचालन गर्न जिल्ला जिल्लामा सर्वदलीय समन्वय समितिसमेत गठन गरेको बताइएको छ। त्यसैगरी २४ गते अन्तर्राष्ट्रिय श्रमिक महिला दिवसका अवसरमा काठमाडौको ठहिटीबाट जुलुस निकाल्ने कार्यक्रम रहेको छ । २५ गते शाही आयोगको खारेजी, नगर निर्वाचन र निरंकुशताविरोधी आन्दोलनका विषयमा छलफल कार्यक्रम गरिने ।यसका साथै फागुन २७ गते देशव्यापी विरोध जुलुस आयोजना गर्ने बैठकले निर्णय गरेको छ।यसै क्रममा बैठकले थप कार्यक्रमहरु चाँडै र्सार्वजनिक गरिने उल्लेख गर्दै नजरबन्दमा रहेका सबै नेताहरुको रिहाइको माग गरेको छ। यसका साथै बैठकमा माओवादीका विषयमा समेत व्यापक छलफल भएको बुझिएका छ। बैठकले माओवादीलाई सात दलसँगको १२ बुँदे समझदारीको पालना गर्न आग्रह गर्दै शान्तिपूर्ण राजनीतिक मुलप्रवाहमा आउन आग्रह गरेको बताइएको समाचारमा जनाइएको छ।
गृह पृष्ठ
