सर्वोच्च अदालतद्वारा मन्त्री ढकाललाई अदालतमा उपस्थित हुन आदेश
सप्पन के.सी.( युरोप, सम्वाददाता)
३० डिसेम्बर२००५(एजेन्सीहरु)- नेपालमा सर्वोच्च अदालतले स्थानीय विकास मन्त्री टंक ढकालका नाममा अदालतको अवहेलनासम्बन्धी मुद्दामा स्वयम उपस्थित भइ जवाफ दिन आदेश दिएको छ र साथै सो आदेश तत्कालीन सूचना तथा संचार मन्त्री ढकालका नाममा न्यायाधीश दामोदरप्रसाद शर्माको एकल इजलासले १५ दिनभित्र अदालतमा हाजिर हुन दिएको प्राप्त समाचारमा जनाइएको छ ।
यसअघि सर्वोच्चमा रेडियो सगरमाथा पुन-प्रसारण नरोक्न अन्तरिम आदेश भएकै दिन त्यसलाई बेवास्ता गर्दै पुन-प्रसारण रोक्न अर्को पत्र पठाउन तत्कालीन सूचना तथा संचार मन्त्री ढकालको कार्यले अदालतको अवहेलना भएको दावी गर्दै निवेदन परेको थियो । यसका साथै सर्वोच्च अदालतले सचिव र उपसचिव पौडेललाई पनि १५ दिनभित्र स्वयम अदालतमा उपस्थित हुन आदेश दिएको जनाइएको छ । यसैबीच सो निवेदनका सम्बन्धमा आज भएको सुनुवाईपछि त्यस्तो आदेश जारी भएको हो र अदालतका अधिवक्त आनन्द सन्तोषी र्राईले यसअघि तत्कालीन संचार मन्त्री ढकालका साथै संचार सचिव कुमार प्रसाद पौडेल र उपसचिव अमरराज पौडेललाई विपक्षी बनाइ रिट दायर गर्नुभएको प्राप्त समाचारमा जनाइएको छ ।
गृह पृष्ठ
