सर्वोच्चद्वारा सरकारबिरुद्ध अन्तरीम आदेश जारी
काठमाडौं, मंसीर १४
सर्वोच्च अदालतले अर्को आदेश नभएसम्म रेडीयो सगरमाथाको प्रशारणमा कुनै अवरोध नपुर्याउन सरकारको नाममा अन्तरीम आदेश जारी गरेको छ ।
सरकारले गत मंसीर १२ गते राती रेडियो सगरमाथाले माओवादी अध्यक्ष प्रचण्डको बिविसी नेपाली सेवालाई दिनुभएको अन्तवार्ता प्रशारण गर्न लागेको आरोप लगाई रेडियो सगरमाथाको सवै उपकरण लुटेर लगेको थियो । कानुन सम्मत रुपमा संञ्चालन भैरहेको संस्थालाई सरकारले गैर कानुनी तबरबाट बन्द गराएको भन्दै नेपाल वातावरण पत्रकार समुहका अध्यक्ष लक्ष्मण उप्रतीले हिजो सर्बोच्च अदालतमा रिट दायर गर्नु भएको थियो ।
सो रिटको सुनुवाइ गर्दै आज न्यायाधिस बद्रिबहादुर बस्नेतको एकल इजलासले आउँदो २२ गते सम्मका लागि रेडीयो सगरमाथाको प्रशारणमा कुनै अबरोध नपुर्याउन सरकारका नाममा अन्तरीम आदेश जारी गरेको हाम्रा समाचारदाताले जनाएका छन । अन्तरीम आदेशपछि आजै साँझ देखी रेडियो सगरमाथाले आफनो प्रशारण सुरु गरेको छ ।
गृह पृष्ठ
