६ सय पटक उठबस
काठमाडौं, मंसिर ९ - निजी विद्यालयका शिक्षकले यातना दिएका ९ वर्षीय विद्यार्थीलाई अस्पताल भर्ना गर्नु परेको छ । भासी गाविस-२ को झुम्का बजारमा रहेको व्रिलियन्ट बोर्डिङ स्कुलका कक्षा ३ का छात्र सुरज चौधरीलाई शब्दार्थ नघोकेको आरोपमा शिक्षक फुलचन्द चौधरीले सोमबार छ सय पटक उठबस गराएका थिए ।
त्यति यातना पाएका बालक मंगलबार ओछ्यानबाट उठ्न नसकेपछि अभिभावकले उनले पाएको यातनाबारे थाहा पाएका थिए । अभिभावकको गुनासोका आधारमा शिक्षक चौधरीलाई अवकाश दिइएको प्रिन्सिपल सुवास राईले बताए ।
विद्यालयले सम्पूर्ण खर्च बेहोरेर विराटनगरस्थित न्यूरो अस्पतालमा उपचार गराइरहेको पीडित विद्यार्थीकी आमा शान्ताले बताइन् । न्युरोलोजिस्ट डा. वीरेन्द्रकुमार बिष्टका अनुसार बालकको अवस्थामा सुधार आएको छ
(साभार कान्तिपुर)
गृह पृष्ठ
