माओवादी नेता अदालतमा
काठमाडौं, असोज १४ - माओवादी नेता मातृका यादव र सुरेश आलेमगरलाई पक्राउकोे दुई वर्षपछि शुक्रबार पाटन पुनरावेदन अदालतमा बयानका लागि उपस्थित गराइएको छ ।
‘हत्या गर्न आदेश दिएर फरार भएको मुद्दा थियो, त्यसै अभियोगमा बयान दिन अदालत उपस्थित गराइएको हो,’ जिल्ला प्रहरी कार्यालय ललितपुरका प्रमुख माधव जोशीले कान्तिपुरलाई भन्नुभयो ।
भारतीय सुरक्षाकर्मीले उनीहरूलाई ०६० माघ २३ गते भारतको नयाँदिल्लीस्थित डेराबाट पक्राउ गरेको थियो । सुदूरपश्चिम नाका महेन्द्रनगर ल्याएर हेलिकप्टरमा राखी काठमाडौंस्थित टोखा सैनिक ब्यारेकमा ल्याएको थियो ।
दुवैलाई सशस्त्र प्रहरीका महानिरीक्षक कृष्णमोहन श्रेष्ठ, उहाँकी श्रीमती नुडुप श्रेष्ठ र अंगरक्षक सई सूर्य रेेग्मीलाईर् मार्न आदेश दिएर फरार भएको अभियोग छ । तीनै जनाको ललितपुर बागडोलमा ०५९ माघ १२ मा हत्या गरिएको थियो ।
बयानमा आलेमगरले हत्या गर्न निर्देशन दिएको आरोप निराधार भएको जिकिर गरे । उनले आफू अन्तर्राष्ट्रिय विभाग हेर्नर्े भएकाले दिल्लीमा रहेको बताए ।
‘अन्तर्राष्ट्रिय विभाग हेर्ने भएकाले फौजी विभागको काम मैले गर्न लगाएको होइन,’ उनको जिकिर थियो । उनको बयान शुक्रबार सकिएको छ भने यादवको आइतबार हुनेछ । बयान न्यायाधीशद्वय ज्ञानेन्द्रबहादुर कार्की र लक्ष्मण रिसालको संयुक्त इजलासमा भएको थियो ।
हिरासतबाट आलेमगरले श्री ५ लाई पत्र लेखी शुक्रबारसम्म अदालतमा उपस्थित नगराए आमरण अनशन बस्ने चेतावनी दिएपछि दुवैलाई पुनरावेदन उपस्थित गराएको हो । यसअघि दुवैलाई आतंककारी तथा विध्वंसात्मक -नियन्त्रण) ऐनअन्तर्गत नजरबन्दमा राखिएको थियो । उक्त आरोपमा सजायको मागदाबी सोही ऐनको दफा १० -१) अनुसार सर्वस्वसहित जन्मकैदको माग गरिएको छ ।
‘नर्क र बधशालाबाट मुक्ति पाइया छ,’ आलेमगरले अदालत परिसरमा कान्तिपुरसँग भन्नुभयो- ‘सुरुमा अत्यन्तै यातना दिइयो, आईसीआरसी र मानव अधिकारवादीले भेट्न थालेपछि यातना दिन छाडे ।’ दुवैलाई सैनिक हिरासतबाट बाहिर ल्याउनुअघि सेनाका पदाधिकारीले लामो दारी छोट्याउन लगाएका थिए ।
विभिन्न सैनिक हिरासतबाट सार्दै पछिल्लो पटक अदालत ल्याउनुअघि दुवैलाई छाउनीस्थित महावीर गण रेन्जर ब्यारेकमा राखिएको थियो । बयान सकेर अदालत बाहिर निस्कन लाग्दा मगर र यादवले कडा नाराबाजी गरे ।
गृह पृष्ठ
good news
Comment by sunil — October 3, 2005 @ 2:30 pm