गोपाल/राजेन्द्र

काठमाडौं, असोज १३ - भारतीय नेताहरूले राजनीतिक तथा संवैधानिक संकट समाधान गर्न यहाँका दलहरूले रोज्ने प्रजातान्त्रिक प्रक्रिया सर्वस्वीकार्य हुने बताएका छन् ।

लोकतान्त्रिक आन्दोलनप्रति ऐक्यबद्धता जनाउन र राजनीतिक वस्तुस्थिति बुझ्न आएका नेताहरूले दलहरूसँगको छुट्टाछुट्टै र संयुक्त भेटवार्तामा दलहरूको आन्दोलनप्रति समर्थन
हुने पनि जनाए ।
नेपाल मजदुर किसान पार्टी भने भेटवार्तामा संलग्न भएन । (more…)

काठमाडौं, असोज १३ - राजपरिषद् स्थायी समिति सदस्य सत्चितशमशेर जबराले भारतीय नेताहरूले नेपालमा आन्दोलनप्रति समर्थन जनाउनु आपत्तिजनक रहेको बताउनुभएको छ ।
देशभक्त संघ भक्तपुरको अन्तक्रिर्यामा उहाँले बिहीबार भन्नुभयो- ‘नेपाली जनताको विश्वासलाई लत्याएर भारतीय नेताले आन्दोलनप्रति ऐक्यबद्धता जनाउन आउनु आपत्तिजनक छ (more…)

श्री ५ महाराजाधिराज तथा श्री ५ बडामहारानीको विदेश भ्रमणका लागि जेट विमान खरिद गरिने भएको समाचार ‘जनआस्था’ साप्ताहिकले प्रकाशित गरेको छ ।
(more…)

कवि दामोदर रेग्मी।
आमा !
यो आफ्नै दाइलाई सिङ्गौरीले हानेर लडाउने बोको
मै हुँ भनेर देख्ने, सुन्ने, बोल्ने
त्यसको कत्रो धोको
आमा !
यो १९ गते बतास्सिएर आएको गन्हाउने दुर्गन्धित बोको….

कस्तो अभागी रहेछ त्यो
त्यसलाई खान दिएकै थियो, लाउन दिएकै थियो, बस्न दिएकै थियो
बोको भनी इज्जत पनि दिएकै थियो
मात्तिन पनि कति मात्तिसकेछ अब त
त्यसले मूर्ति देख्यो कि बोक्यो….

आमा !
अब अष्टमी नपर्खिउँ न
सार्‍है पीडा भइसक्यो अब
त्यो बोकोलाई च्वाट्टै छिनाइदिउँ न……
आमा अब यो धर्तीलाई मुक्त गरिदिउँ न

पोखरा, असोज ८ -
एमाले युवा संगठन प्ररायुसंघले वर्तमान सत्तालाई आर्थिक नाकाबन्दीमा पार्न कर नतिर्न व्यवसायी र सर्वसाधारणलाई आह्वान गरेको छ । संघको शनिबार पोखरामा सकिएको राष्ट्रिय भेलाका घोषणाहरू सार्वजनिक गर्दै अध्यक्ष गोकर्ण बिष्टले राज्यसत्ताका दमनलाई कमजोर पार्न यस्तो निर्णय लिइएको बताउनुभयो । ‘गोलाबारुद किनेर जनतालाई दमन गर्न हामीले कर दिएको होइन,’ उहाँले भन्नुभयो- ‘त्यसैले राजालाई आर्थिक घेराबन्दीमा पार्न निरंकुश सत्ता भइन्जेल कर नतिर्न सबै उद्योगपति, व्यापारी लगायतलाई आह्वान गर्छौं ।’ आन्दोलन उचाइमा पुर्‍याएपछि पार्टीहरूलाई पनि यो प्रस्तावप्रति ऐक्यबद्धता जनाउन दबाब दिइने उहाँले बताउनुभयो ।
(more…)

लगातार निषेधित क्षेत्र तोडिरहेको सात दलले विहिवार आन्दोलनमा विश्राम लिए पनि विद्यार्थीहरुले आन्दोलन जारी राखे। प्रहरीलाइ ढुगां प्रहार गर्दै पद्यकन्या क्याम्पसकी छात्रा।